TABAKALERA IV

Tabakalera proiektuari amaiera emateko, talde bakoitzak egindako bideoak aurkeztu ditugu. Horretarako, bertako areto batean elkartu gara eta pantaila handi batean bideo guztiak plazaratu ditugu. Talde bakoitzaren bideoak ikusi ostean, partaide guztiak eszenatokira irten dira eta haiek egindako lana azaldu digute. 

Aipatzekoa da bideoa burutzeko baldintzak berak ziren arren, gerora talde bakoitzak egindako proiektua erabat ezberdinak izan direla euren artean. 

Gure bideoa genero estereotipoetan oinarritzen da eta horren arira egin dugu gure proiektua. Bertan agertzen diren xehetasun guztiek esanahi bat izatea lortu nahi izan dugu. Beraz, grabaketa momentuan oso adi geunden bideoan agertuko ziren mugimendu eta irudi guztiak ezin hobe agertzeaz. Honen ondorioa izan da bideoa behin baino gehiagotan grabatu behar izana, aitortu behar dugu oso zorrotzak izan garela bideoarekin, hain zuzen ere emaitza  aparta bilatu nahi izan dugulako. 

Prozesua: 

Lehendabizi argazkietatik aniztasun mota bat ateratzen ahalegindu ginen eta ohartu ginen guztietan genero aniztasuna nabarmentzen zela, hortaz horretara bideratu genuen geure lana. Behin gaia aukeratu ondoren,  hau islatuko zuen argazki egokiena edo aproposena aukeratu genuen denon artean.

Argazkia aukeratu ondoren, aniztasun hori nola proiektatu genezakeen pentsatu genuen. Lehen ideia sexu ezberdinetako pertsonak enfokatzea izan zen baina gerora interesgarriagoa iruditu zitzaigun irudiko pertsona ezberdinak nabarmentzeko "argazkitik atera" eta irudi berri bat sortu bakoitzaren aurpegiarekin eta hauek bideoan agertzen ziren bakoitzeko, hauen sexuekin lotutako generoa aipatzen genuen bideoaren "lehen zatiak den bezala" eta gerora kontrako generoa aipatu genuen. Adibidez: hau neska, gerora mutila.

Gure intentzioa zera izan zen, bideoa bi zati ezberdinetan banatzea eta bi hauen artean kontrastea finkatzea jendeari pentsarazteko. Horretarko, "lehen zatian" fondo beltza irudikatu genuen bufanda beltz baten laguntzaz, honen bitartez errepresentatu nahi izan genuena zera zen, gaur egun gizarteak duen ikuspegi zurruna. Aldiz, "bigarren zatian" kolore biziak eta argiak agertzen ziren pentsamendu irekiago bat erakusteko. Bi zati hauen arteko haustura nabarmentzeko diska birrindu baten zarata erabili genuen esku baten bitartez pantaila beltzean uzten genuen bitartean. Azkenik, bideoaren amaieran galdera zabal eta ireki bat bota nahi izan genuen jendeak gaiari buruz hausnartzeko: zergatik definitzen dute estereotipoek gure generoa?


Tabakaleran gure bideoa ikusi ondoren, taldekide guztiak eszenatokira atera gara eta aurrez aipatutako guztia azaldu dugu, modu honetara bideoa hobeto uler dezaten.


Tabalerako azken saioa bukatzean ohartu gara benetan baliagarria izan zaigula egindako proiektua, hain zuzen ere, martxan daukagun lana burutzeko baliagarriak izango zaizkigun ideiak geureganatu ditugu. Honetaz gain, konturatu gara baldintzak berdinak izan arren eta denak abiapuntu berdinetik hasita ere bakoitzak bere bidea eraiki du eta emaitza ezberdinak eta aberasgarriak lortu dira.


Laburbilduz, proiektu honen hasieran erabat galduta egon arren eta honen funtzioa ondo ulertu ez arren, pixkana lortu dugu zentratzea eta bidean aurrera egitea, eta ideiak eta egindako saioak lotuz, lortu dugu guzti honen bidez airean genituen pieza horiek elkartzea eta puzzlea sortzea.