SARRERA

Ongi etorri, gu Eguzkilore taldea gara eta lan honen bitartez aniztasunaren inguruan informatuko zaituztegu. Honetarako, hainbat hitzaldi eta bixitez baliatuko gara eta gure lana borobiltzeko eta osatzeko elementu garrantzitsuak izango dira. Gainera aniztasun orokor horren barruan Motxiladun haurretan zentratuko gara eta gaiari buruzko ikerketa bat egingo dugu. Espero dugu gaia guri bezain beste gustatzea eta gure blogga irakurtzen amaitzean gaiarekiko beste ikuspuntu ezberdin bat izatea. Orain gure lanean murgiltzea besterik ez zaizue geratzen, beraz ongi etorri gurera!

Gai zentrala aniztasuna dela argi utzi nahi dugu, aniztasunaren barruan mila gai eta egoera ezberdin daude eta egia esan ez zaigu oso erraza egin aniztasun horren barruan gure gustuko zen bat aurkitzea. Gaia aukeratzeko lagungarria izan zitzaigun gelan egin genuen ipuinen lanketa bat, hauetan ipuinen bitartez aniztasun ezberdinak ezagutu ahal izan genituelako eta gure lana bideratzeko aukera izan genuelako. Ipuinek kontakizun bat dute, egoera bat eta hauen barruan pertsonaia ezberdinak. Guzti honekin gai anitzak lantzen dira eta hauei buruzko hausnarketak egitea bideratzen gaituzte, beraz moduluari hasiera emateko  aukera paregabea iruditu zaigu. 


Ipuinek erakutsi digute munduan pertsona eta egoera ezberdin asko daudela eta hauetariko bakoitza baldin eta zein betaurrekoekin begiratzen dugun, modu batera ikusi eta jasoko dugula informazio guztia.